林則徐呢位歷史人物相信史友們都聽過佢呢個名，呢位以禁煙馳名嘅清朝官員，對香港嘅影響都可以話相當大。而當年佢就曾經响今日嘅尖沙咀起咗個炮台，唔知大家又知唔知呢？

1839年11月，清軍同英軍就响九龍爆發咗官涌之戰，經過幾次交手後，林則徐認為清朝與英國一戰難免，於是就分別响官涌村後山以及尖沙咀旁岬角興建炮台。尖沙咀砲台稱為懲膺砲台，官涌砲台稱為臨衝砲台，共置大砲五十六門。不過，呢兩個炮台後嚟被英軍佔據咗，官涌砲台被炸毀，尖沙咀砲台及後亦被拆卸，啲磚石後嚟仲運左去港島，用作建築材料。

咁尖沙咀炮台遺址响邊呢？由於所在地早已被發展，所以已經無遺蹟可尋。至於官涌炮台所在地，就响佐敦炮台街一帶。

原圖嚟自網絡