最近有史友問阿史關於華富邨同百貨公司嘅歷史，响上世紀七八十年代，大大公司不斷擴充規模，而華富邨村口就開咗間大大公司。據華富邨老街坊回憶，大大公司開响邨口度，幢大廈除咗大大公司，仲有「翡翠宮」酒樓夜總會，大頂樓係有個遊樂場，仲有滾軸溜冰場，阿史記得好細個個陣去過個度間酒樓飲（唔知邊個親戚結婚）。不過，華富邨間大大好似响大大百貨清盤前就執咗，但大大個牌就好多年都無拆。