2001年7月13日,國際奧委喺莫斯科舉行大會,投票選出中國成為2008年承辦第29屆奧運嘅國家,並且以北京作為主辦城市。消息傳出之後,當年真係舉國歡騰,數以萬計嘅市民喺天安門廣場聚集通宵慶祝。呢次係中國歷史上第一次獲得奧運會嘅主辦權。

而7年之後嘅2008年8月8日,29屆奧林匹克運動會喺北京開幕,呢次被譽為係中國完咗百年來舉辦奧運嘅夢。而喺呢次奧運入面,中國代表隊拎到出色嘅成積,係自1984年重返奧運會以嚟最好嘅成績,一共拎到51面金牌、21面銀牌以及29面銅牌,最後以51面金牌成為金牌榜首名,係奧運歷史上首個登上金牌榜首嘅亞洲國家。

原圖嚟自網絡