阿史最近睇新聞講，座落於港島黃金核心商業地段、擁有43年歷史嘅金鐘廊會响出年清拆。阿史曾經有幾年响呢個地方附近工作，返工日子都會行過呢個地方，响個度上上落落相當都係大家嘅一個回憶。
金鐘廊建於1980年，係港鐵金鐘站嘅上蓋行人天橋商場。呢個商場最特別嘅地方，就係佢並唔係高層建築，而係得幾層嘅少層數建築，同周邊幾十層高嘅商廈形成強調對比。之所以出現咁嘅情況，其實係同呢個地方定位有關，原因就係本身呢個建築係連接金鐘站同各大商廈嘅天橋走廊，個「廊」字亦因此而得嚟。當然！呢個走廊空間夠大，因此多年嚟都成為咗一個商場，响八十年代最經典莫過於松阪屋分店座落於此，後嚟亦有好多大集團進駐於此。
時至今日，金鐘廊位處之地絕對係地王級價格嘅地皮，所以清拆重建就一啲都唔出奇。可能下一代嘅香港人睇返中區金鐘一帶竟然有個咁矮嘅建築物會覺得好不可思議。
原圖嚟自網絡