剛過去的周末，最受阿史我關注嘅新聞，可能係…… 無錯嘞，就喺今季改由名帥雲高爾領軍嘅曼聯，居然喺一致被睇好嘅情況下响奧脫福主場輸咗。翻查史檔，今次係1972年來，曼聯首次於主場開鑼戰敗北，真係堪稱「創造歷史」。睇番賽後嘅新聞報道，有唔少媒體都話雲高爾「遭遇滑鐵盧」。究竟何謂「滑鐵盧」，阿史都想趁機講下故。


之前阿史同大家講過咁多個廣州俗語，相對而言，「滑鐵盧」(Waterloo)都稱得上喺一個來自歐洲嘅俗語，宜家則廣泛受到華語地區使用，將重大嘅失敗比喻為「滑鐵盧」。

滑鐵盧呢個位於比利時嘅地方之所以成為一個俗語，其實係來自1815年6月所發生嘅「滑鐵盧戰役」（Battle of Waterloo)。呢場戰役中，此前堪稱「打不死」嘅拿破侖率領法軍同英國和普魯士聯軍展開激戰，拿破侖自以為勝券在握下反而遭遇徹底慘敗，而拿破崙亦因為呢場開鍵戰役而一蹶不振，隨後更被流放到聖赫勒拿島，6年後死去。

自此，滑鐵盧便成為了一個等同失敗的代名詞了。

圖片來源：獨立報