馬鞍山點解叫做馬鞍山？

其實香港有個地方同馬騮山只係差一個字──馬鞍山。既然馬騮山係因為多馬騮而得名，咁唔通馬鞍山盛產馬鞍？馬鞍山明明唔係一座山，又點解會叫馬鞍山既？

馬鞍山嗰名既由來，就要由馬鞍山呢個地方既兩個山峰講起嘞！較高及靠背既一個山峰屬主峰，稱為馬頭頂，高達七百零二米，响新界區繼大帽山之後排第二，而以全港計則排行第四。副峰就係牛押山，由於呢兩座山之間，形成一條好長既弧線，山脊就好似個馬鞍咁，所以就被人叫做馬鞍山。明代既《新安縣志》，就有提及馬鞍山呢個名既由來，「馬鞍山在縣東八十里，枕東洋，形如馬鞍。」

以前既馬鞍山，對大家嚟講係屬於比較偏遠既郊區，但自從政府响 1979年批准發展馬鞍山，並作為沙田新市鎮擴展既一部分後，馬鞍山就漸漸發展成為一個擁有多個屋邨既社區了。阿史之前仲發現，馬鞍山有個區內網上群組好鍾意分享史檔啲帖子，真係多謝晒馬鞍山既史友嘞！