相信唔駛介紹大家都知九龍有個地方叫佐敦，咁大家又知唔知原來依家佐敦附近曾幾何時有過一場戰役呢？

九龍佐敦原本係叫官涌，《新安縣志》就有記載官涌山，附近有個官兵駐守嘅官涌泛。响1839年，即係鴉片戰爭爆發前一年，清軍同英軍就响官涌呢個地方打過一場仗。當時清廷同英國因為貿易問題搞到關係好緊張，當時嘅駐華商務總監義律就想方設法想喺香港一帶霸個據點，於是就响駐守九龍一帶嘅清軍進攻。响1839年11月，英軍响十日內六次進攻官涌，爆發「官涌之戰」，不過，六次都俾駐守官涌嘅清兵擊退，呢場戰役可以話係鴉片戰爭嘅前哨戰。

講返轉頭，官涌呢個舊名其實仲可以响佐敦個頭搵到，就係原本係官涌砲台附近位置嘅砲台街、官涌街以及官涌街市。