2003年沙士一役，香港被奪去近三百條寶貴性命，當中包括屯門醫院醫生謝婉雯。喺沙士肆虐期間，包括謝婉雯在內，有唔少香港醫護人員無懼疫病，主動要求進入深切治療部醫治病人，堅守職責。令人痛心嘅係，謝婉雯不幸染上沙士，最終喺2003年今日凌晨逝世，終年35歲。

謝婉雯喺1986年憑八優成績，入讀香港中文大學醫學院，佢嘅入學手冊仲寫住：「加入醫生行列，為社會和人民服務，更發揮自己所長。」沙士爆發時，謝婉雯主動請纓入深切治療部救治病人並為病人插喉，疑因沾上病人嘅飛沫而中招，最後不敵病魔離世。謝婉雯其後獲政府追封金英勇勳章，安葬於浩園內。