要數最出名嘅華裔網球手,相信都非張德培莫屬,佢喺1989年以17歲零3個月之齡,贏得法國網球公開賽冠軍,至今仍然係史上最年輕嘅大滿貫男單冠軍,以及唯一一位亞洲裔大滿貫男單冠軍。喺1988年至2003年嘅職業生涯中,佢有長達7年時間嘅世界排名都喺前十之內,最高一度仲上到世界第二添。風光成就,其實係無數日子刻苦鍛煉嘅結果,張德培講過,做球手時基本上日日練波同體能訓練不斷循環,真係少啲毅力都唔得。

除咗打波叻之外,令人留下深刻印象嘅,仲有佢曾經拍過香港洗頭水廣告,嗰句「頭皮?No way!」簡直係深入民心。話時話,嗰隻洗頭水阿史已經好耐無用過……

原圖取自網絡。