呢排香港機場受到大家嘅關注，其實唔止赤臘角，佢上一代嘅啟德機場同樣係焦點所在。有咩咁特別？降落難度十足？定九龍城啲街坊成日聽到飛機聲？nonono，係因為可以見到「彗星」。其實當年舊機場附近有唔少街道名都好特別，好似彗星道咁，就咁聽個名，會以為嗰度舊時係睇天文奇景嘅「打卡熱點」。唔講唔知，原來彗星道呢個名係來自「哈維蘭彗星型」飛機型號嘅，同天文無關。除咗1981年12月啟用嘅慧星道之外，仲有協調道、康維道、德高道、電星道、天威道同三星道，呢7條街道都係以飛機型號命名嘅。

但隨住機場搬咗去赤鱲角，啟德機場重新規劃，有好多街道都已經消失，喺呢7條以飛機型號命名嘅街道當中，現時得返協調道同德高道仲存在，其他都响2015年刪除咗。行過協調道同德高道嘅史友，不妨留意吓喇。

圖片為啟德機場，取自網絡。