喺1941年12月8號，日軍正式進攻香港，喺早上日軍就派出軍機轟炸啟德機場，將英軍全部軍機炸毀，迅速取得香港嘅制空權，之後日軍又兵分三路相繼進入香港。至同年12月25日，香港淪陷，時任港督楊慕琦宣佈駐港英軍無條件投降，開始咗香港三年零八個月嘅日據時期。

當時日軍同英軍嘅實力相當懸殊，日軍就派出3萬多兵力進攻香港，而英軍方面就只有大約1.4萬名守兵。此外，日軍備戰時間長，又有較先進嘅裝備，處於極大嘅優勢。結果只係短短18日，英軍就有大約1600人陣亡，並宣告投降，香港淪陷。

原圖嚟自大公。