尋日就同史友們講到英王查理斯三世將會喺下個月舉行加冕典禮，而喺呢段時期佢嘅一舉一動都成為外界重點關注嘅消息。近日英國白金漢宮表示，英王查理斯三世正在與學者合作，研究17至18世紀英國王室與奴隸貿易嘅關係，阿史今次就同大家講一講啦！
呢項研究就係由曼徹斯特大學與獨立慈善組織「歷史皇家宮殿」（Historic Royal Palaces）進行，而白金漢宮今次就係授予研究人員查閱皇家檔案館以及皇家收藏全部權限，預計會喺2026年前完成研究。
喺歷史角度睇，英國國會網站就顯示從1640年至1807年，英國估計就將約310萬非洲奴隸運送到加勒比海、北美洲、南美洲嘅英國殖民地或其他國家，明顯係將將販賣奴隸視為可獲利的工具，換言之王室與奴隸制嘅歷史聯繫始於16世紀。
而早前其實英國報章就已經公開從未曝光嘅文件，顯示奴隸貿易公司 Royal African Company高層柯頓（Edward Colston），於1689年將1,000英鎊股份轉讓給英王威廉三世。至於同樣與奴隸貿易扯上關係嘅，仲有英女王伊利沙伯一世、查理二世（Charles II）與其弟約克公爵（Duke of York）等等嘅英國王室成員。
所以，呢次查理斯支持調查王室與奴隸制嘅聯繫，外界都認為係相當大膽，並且期待會有新嘅調查結果。
原圖嚟自網絡