香港海洋公園係世界馳名嘅主題公園，不知不覺，公園陪伴香港人一齊過咗43年喇！


好耐之前阿史都講過，海洋公園前身並唔係一片荒蕪，山腰海洋公園標誌位置曾經有一個巴黎農場。籌備興建海洋公園喺1971年開始，1972年動工，去到1977年先興建完成。初期海洋公園只有水族館，去到1982年先逐步得到賽馬會撥款，進行第二期工程發展。


講到海洋公園，真係有好多香港人熟悉嘅嘢，好似登山纜車、過山車、滑浪飛船、海盜船、星際蜘蛛、水上樂園，當然唔少得擅長凌空飛身頂波嘅殺人鯨海威啦！


圖片嚟自網絡