最近因為新冠肺炎疫情關係，好多市民怕染病所以少咗好多行街食飯之類嘅活動。由於無人行街，好多食肆同舖頭開始頂唔順，旺區出現咗唔少吉舖，情況有啲似03年沙士個期。响03年沙士期間，市況極差，失業率更高達8.7%，好多市民失業又供唔起樓成為負資產一族。受經濟蕭條影響，飲食、酒店業、批發及零售業、運輸業同娛樂同康樂服務業最為嚴重，記得當年曾經一個月之內就有25間酒樓執笠，所以市面通街都係吉舖。


個個荷包都無乜錢，有工返都可能被減薪或開工不足，呢個時候响市面所有嘢嘅都變晒平價貨。記得當年市面就出現咗唔少十蚊一碗嘅粉麵檔，正宗賤物鬥窮人。


原圖嚟自網絡