將軍澳隧道正式通車

對唔少住喺將軍澳新市鎮但經常都出入九龍嘅史友們嚟講，今日就係好重要嘅一日，事關呢條貫通觀塘區同埋將軍澳新市鎮嘅雙程雙線分隔雙管隧道喺1990年11月9日通車。

呢條隧道喺1987年9月就開始動工，歷時3年零2個月一共用咗6億港元建成。咁史友們都知道呢條隧道全長900米嘅將隧係收費隧道，所以其實又係一條香港最短收費公用隧道。呢條隧道唔單止連接馬游塘，仲連接九龍東秀茂坪和新界東將軍澳，下層仲鋪設水管為觀塘及港島東一帶供水。

提起隧道通車初期，呢道道因為人手不足同埋車流量唔符合預期，就只會每日早上6:30至晚上10:30開放使用，而且當年仲因為收費價錢高而引起將軍澳居民不滿，一度鬧上立法局。呢個問題喺政府當局引入營辦商管理後，1993年1月將隧終於擴展至全日通車。之但係，由將軍澳出九龍就主要得呢條路，有乜意外都會見到大塞車嘅情況出現。