又係時候同史友們介紹一啲香港特別嘅公共屋邨，要知道將軍澳新市鎮本來嘅土地並唔多，大部分都係依靠填海得返嚟，所以唔少屋苑又或者公共屋邨都係喺填海地之上，之但係原來成個將軍澳係一座公共屋邨唔係填海地之一，呢座就係翠林邨喇！

翠林邨位於將軍澳寶琳區西嘅山上，附近仲有康盛花園，呢個公共屋邨係喺1988年落成，係寶林邨之後區內第二條建成嘅公共屋邨。翠林邨由新長型、Y2型等合共八座樓宇組成，唔講唔知，其實翠林邨入面嘅住客有部分係曾經住過寶琳邨架！

事源就係喺1988年將軍澳第一個公共屋邨寶林邨正式落成之後，山上嘅翠林邨都一樣落成，之但係寶林邨住落冇耐之後就出現沉降問題。為咗保障居民安全，所以當時部分居民就被安排搬到翠林邨居住，慢慢令到呢條山上嘅公共屋邨愈嚟愈多人喇！

原圖嚟自網絡