John Lennon 紐約公寓前遭槍殺身亡

喺當年嘅今日，一代嘅音樂傳奇、前 The Beatles 成員 John Lennon喺美國紐約市曼哈頓上城嘅The Dakota 公寓大廈前遭狂徒 Mark David Chapman 槍擊身亡，享年40歲。

呢位傳奇嘅英國音樂人，早年曾經參加過唔同嘅樂團，1960年作為披頭四樂團成員喺世界各地進行演出，後來就以個人身份進行演出，出過唔少知名嘅專輯就好似《John Lennon/Plastic Ono Band》、《Imagine》等等，去到1975年佢就從樂壇引退，同第二任老婆小野洋子一齊照顧年幼兒子。而去到1980年，佢又再次復出，喺遇害之前正正係為新專輯《Double Fantasy》進行錄音。

早年就有英國電視台探討過佢嘅死，據當年嘅兇手描述，佢之所以行兇全因為一句說話。呢位兇手查普曼犯本身係The Beatles歌迷，但就因為查普曼得知John Lennon曾經講過「披頭四比耶穌更受歡迎」而覺得對方褻瀆佢嘅信仰，就係咁樣動咗殺機。