聽日就係七月一日，係香港回歸祖國嘅二十五周年，喺呢個咁有意義嘅日子，阿史就想同史友們介紹一下香港嘅一啲回歸紀念建築，今次就講一講位於大埔嘅回歸紀念塔！
香港回歸紀念塔其實就係位於大埔海濱公園之內，可能史友們會諗，點解好地地一座回歸紀念塔唔起去市區，而要喺新界興建呢？原來呢個選址係相當講究，回歸紀念塔所在嘅位置正正就係英國當年進入新界之時首次登陸嘅位置，單係呢一點已經極具歷史意義。
而更有意義嘅，其實就係回歸紀念塔本身。呢座高32.4米嘅塔係為咗紀念新界鄉民同英軍展開六日戰爭保衛鄉土、喺香港淪陷之時同日軍對抗所作出嘅犧牲。所以，喺回歸之際，就當局特意興建咗呢座塔紀念以往嘅英靈。
原圖嚟自網絡