英女王伊莉莎伯二世離世，好多有關佢嘅生平報道都出現，阿史留意到其中一個報道係講英女王响三十年幾年前到訪中國，亦係首位訪華嘅英國君主。
喺1986年10月12日，伊莉莎伯二世抵達中國，進行為期一星期嘅國事訪問。當年行程英女王先後到北京、西安、雲南、上海同廣州訪問，期間仲去過唔少歷史名勝，就好似有喺北京參觀長城、故宮、欣賞京劇演出；又去咗西安參觀秦始皇博物館兵馬俑。
有趣嘅係，呢次訪華原來算係一次「應約」。當年响北京人民大會堂嘅國宴上，英女王發表講話時就話，大約390年前，佢嘅先輩伊莉莎伯一世寫信俾明朝萬歷皇帝，希望英國同中國之間能夠發展貿易。不過呢封信無送到中國皇帝手中。佢仲話：「如今的郵政服務有所改善……你們邀請我們訪問這裡的消息安全抵達英國，我很高興能接受。」
原圖嚟自網絡