之前阿史介紹過達摩大師同梁武帝嘅故事,咁史友們又知唔知原來香港都有廟宇係供奉達摩祖師呢?
香港供奉達摩嘅廟宇,就係位於秀茂坪嘅聯光佛堂。呢個佛堂又名為達摩寶廟,同其他廟宇唔同,呢間廟歷史其實唔算好長,係上世紀六十年代海豐縣人金叔响秀茂坪道石級旁以鐵皮搭建,到咗九十年代先搬到現址。
聯光佛堂所奉神靈除咗達摩祖師,仲有齊天大聖佛祖、八戒佛祖、沙僧佛祖等。廟內中央為神龕,分三層每層各有神像,頂層就供奉唐三藏、達摩祖師同觀音;中層供奉沙僧、大聖佛祖同豬八戒;最低一層有五雷祖師。照咁睇,呢間廟都真係幾特別。
原圖嚟自網絡