呢幾年香港足運發展得相當麻麻，但以前香港嘅足球可以話係有一段輝煌歷史，連球王都出過，阿史講緊嘅就係中國球王李惠堂。

李惠堂响1905年生於銅鑼灣大坑，成名於南華，18歲時更首次入選中國足球隊。而佢其中一個為人熟悉嘅故事，就係佢同佢班隊友為咗1936年柏林奧運會，於是响坐船去歐洲期間不斷响唔同地方踢表演賽籌款，最後成功抵達柏林參加比賽。

退役嘅佢更成為首名出任國際足球總會副主席嘅華人，而呢位球王就响1979年7月4日逝世。