每次去機場個陣，都會經過欣澳附近一個响海中插咗好多木柱嘅地方，但次次都總會同自己講「搵日去睇下」。結果，阿史有一日真係响欣澳站落車，行咗去呢個地方。


唔知大家知唔知欣澳以前其實叫陰澳，陰係指山以北嘅地方，而呢個地方，昔日係停泊運輸木材躉船同儲存木材嘅地方。昔日呢個小港灣曾經有幾十間木行，不過隨住發展依家已經再無木行，只係得返鹿頸村，去到鹿頸村嘅碼頭，都仲可以近距離見到大木柱。