發表於 2018-10-05 18:11
呢排公司人事變動得比較利害,唔知係咪為咗穩定軍心,早幾日波士就請咗大家食咗餐自助餐。有同事見波士請食飯,就講明要食七咁食,放緊假都去擦一餐。
食七咁食,意思即係盡情放盡咁食。咁係點嚟嘅呢?响以往,一啲鄉村會有打醮儀式,係一種侍奉神明、超度亡魂、祈求條村老少平安嘅一種儀式。通常响打完醮個日,條村就會依照習俗大擺盆菜去招呼村民,村中上下都人人有份,所以村民可以放開懷抱盡請食呢餐免費餐。由於呢餐飯通常係响打醮嘅第七日食,同埋宴上都係食七道菜,所以就有食七咁食嘅講法喇!
圖片來源:《網中人》劇照
評論:
共0 條評論
史檔
評論:
共0 條評論