最近有史友問阿史，話想知蜑家雞見水呢句俗語係點嚟，其實呢句話係同嶺南文化以及香港非常有關係嘅俗語，真係要介紹一下。

簡單而言，蜑家就生活响沿岸船上嘅人，响珠江口一帶就特別多蜑家漁民。由於响古代蜑家係被歧視嘅一群人，歷史上更曾係五大賤民之一，所以佢哋只能生活响海上，而且唔可以擁有田地。

好喇！由於佢哋要生活响船上，所以養隻雞都要响船上。據講為免啲雞跌落水，於是就會將啲困响雞籠度。而雞係有飲水習慣，但困响雞籠裡面，就出現咗見到船外有好多水但就無得飲嘅情況。所以，蜑家雞見水，得個望字，陰公....