點解警察叫做「差人」，有一個普遍嘅說法係話，因為以前香港有唔少印度人擔任初級警員，當時好多人都會叫佢哋做「亞差」或者「嚤囉差」，慢慢就稱呼警察做「差人」。呢個講法就有啲種族歧視成份，不過其實仲有另一個說法嘅。

據講，以前英國人初初嚟到香港，就無Policeman嘅中文譯名，就參考返清朝衙門「衙差」、「官差」、「差役」嘅叫法，將Policeman譯成「差役」。由於「衙差」、「官差」、「差役」本身亦通稱為「差人」，所以之後香港嘅警察亦慢慢被稱為「差人」喇！而差人駐守同辦公嘅地方亦稱為「差館」，至於「警察」呢個叫法，就係後來先出現嘅。

圖片來源：Dennis G. Crow Ltd