個日阿史又去咗大埔行個圈，去咗運頭角里嘅舊北區理民府。呢幢建於小山上嘅紅磚屋，係昔日北區理民府所在地，於1907年興建。响1898年，新界被英國租借咗，而理民府就係負責新界嘅行政事務，而呢個地方就係殖民地政府租借新界後最早嘅民政中心。


講時講，呢間紅磚屋真係好有情調，如果約女朋友拍拖影相，呢個都係一個上佳取景之地。講多句，呢個地方依家係童軍總會新界東地域總部，所以內部係唔俾參觀。