阿史之前都介紹過，特區政府搞咗個「2017古蹟周遊樂」活動，「2017古蹟周遊樂」將於十月一日至十一月三十日舉行，十五幢同香港法治相關嘅歷史建築將於將於十月一日至十一月三十日响特定時間開放俾公眾參觀，有啲地方其實阿史之前都去過同介紹過，咁就講講一啲無介紹過嘅建築物。

位於元朗屏山嘅舊屏山警署，建於1900年。咁點解個度會有間警署呢？响1898年，清政府同英國政府簽訂《展拓香港界址專條》，租借新界99年。為維持屏山地區嘅治安，當區於1899年起興建屏山警署，成為咗個區警察唯一嘅根據地。至於點解要設响上山，咁係因為易守難攻。


屏山警署於1965年停止警署用途，及後成為警犬組總部以及新界北交通警西區總部。2007年，呢度就成為屏山鄧族文物館暨文物徑訪客中心。