上個月暗榮出咗《無雙八》，不過阿史就無錢買喇...記得以前打《無雙》個陣拎到赤兔馬之後果種風馳電掣嘅快感。相傳赤兔馬係西域汗血馬種，連漢武帝都曾經派兵兩征大宛求汗血寶馬。
今時今日，汗血馬生活嘅地方就係中亞國家土庫曼。根據資料，汗血馬即係阿哈爾捷金馬，全球有6000匹，當中土庫曼境內就有4000匹左右，亦係土庫曼國寶，馬匹圖案仲紋埋响國徽中央。聽講响土庫曼四圍都係汗血馬嘅雕塑，每年都舉辦賽馬節。不過阿史比起睇馬，更想親身騎汗血馬多啲。