相信唔少人曾經將伊斯坦堡誤認係土耳其首都。對於利物浦球迷嚟講，伊斯坦堡係一個歐聯捧杯嘅奇跡之城。原名君士坦丁堡嘅伊斯坦堡，曾經係拜占庭帝國首都，响十五世紀被鄂圖曼帝國攻佔後，改名伊斯坦堡。

鄂圖曼帝國定都伊斯坦堡並進行伊斯蘭化，時至今日，清真寺同宣禮塔一直係伊斯坦堡嘅景點。依家成為博物館嘅聖索菲亞大教堂，仍有保留住當時改建成清真寺時期的建築特色。