提起土耳其呢個國家，相信唔少史友都會諗起呢個國家嘅英文名就係火雞！之不過，呢個叫法近排開始就要改一改喇！事關土耳其為咗擺脫國家形象同火雞有聯繫，所以就向聯合國申請由Turkey 改為Türkiye，並且而經得到正式批准。
咁問題嚟喇，點解冇啦啦一個國家名會同火雞扯上關係呢？喺土耳其1932年獨立建國之後，西方人就對呢個國家名自行加咗Turkey嘅叫法。原本Türkiye 係解做「突厥人的」，意思即係指突厥係土耳其人民嘅主要民族。之不過西方人對呢個國家嘅稱呼Turkey唔單止同火雞有關，俚語上甚至仲解成「嚴重失敗的東西」或「愚蠢的人」，難怪多年嚟都有唔少聲音希望可以改到國家名。
雖然目前土耳其新名稱中Türkiye嘅ü目前係冇呢個拉丁字母，但相信遲早都會有方法解決！
原圖嚟自網絡