繼續同史友們介紹世界各地嘅考古發現，早排阿史就為大家介紹咗一個以前富豪先至會擁有嘅廁所，今次就想同大家介紹劇場嘅廁所會係點樣。

近排土耳其嘅考古團隊就喺一座古代劇場嘅遺址當中，搵到一座專門畀演員用嘅廁所，今時今日嘅廁所講求私隱，但古代嘅廁所真係估你唔到！呢個劇場位於土耳其第三大城市伊茲密爾（Izmir），當年可以容納到兩萬幾人，考古學家估計呢個劇場係建於公元2世紀，並且一直被用到5世界。

以往劇場嘅後台都被視為係禁區，到底呢個地方有幾神秘呢？考古學家就發現，原來劇場嘅演只嘅廁所係一個U型設計，可以畀13個人同時使用，而且馬桶高度大約40公分，旁邊仲有一個8到10公分深U型水槽，用來盛裝乾淨水以便沖洗。令大家估唔到嘅係，當時嘅人係會並排如廁並且同身邊嘅人傾計討論，真係估唔到去個廁所都可以識到朋友啊！

原圖嚟自網絡