尖沙咀嘅1881 Heritage，相信唔少人都去過行街。之不過，如果大家當佢只係一個商場咁就真係可惜咗啲，因為呢個地方前身係水警總區總部。自1880年代起至1996年，呢個地方一直係香港水警嘅總部，水警總部嘅主樓，更係一幢維多利亞式建築古蹟。


呢個地方仲有一個值得遊覽嘅地方，就係報時塔。報時塔响1885至1907年間為海港船隻報時，令啲船可以調整航海天文鐘。不過，報時功能响1907年大包米上嘅訊號塔落成啟用後而消失。