上星期介紹咗大埔舊理民府，今次就介紹埋運頭角里嘅另一歷史建築舊大埔警署。

同大埔舊理民府一樣，舊大埔警署係响英國租借新界後為管治新界地區而建，警署建於1899年，亦係新界設立嘅第一所警署。時至今日，舊大埔警署已經成為低碳生活館綠匯學苑，不過舊警署內嘅報案室、羈留室、槍械房、宿房等設施都仲响度。另外，館內仲有介紹1899年响新界爆發嘅「新界六日戰」，好值得參觀者花多啲時間睇下呢段歷史嘅介紹。


阿史參觀羈留室個陣，係度諗俾人捉咗一去，真係唔駛諗住越獄。