香港俾日軍攻陷，代表香港政府投降嘅就係時任港督楊慕琦。楊慕琦係响1941年9月就任，第21任香港總督，結果三個月後日軍進攻香港，楊慕琦响12月25日向日軍無條件投降，佢亦淪為戰俘。之後佢被囚於台灣同瀋陽嘅集中營，受盡折磨。直到日本响1945年無條件投降，佢被救返出嚟，經大半年嘅休養，佢响1946年5月1日復任港督一職，不過復任一年左右，佢就响1947年5月退休。