1949年10月1日，毛澤東响天安門城樓大聲宣讀「中華人民共和國中央人民政府今天成立了」，仲有一年就70年。當時參與嘅人士包括朱德、劉少奇、宋慶齡、周恩來，仲有之前提過嘅洪門大佬司徒美堂、名伶梅蘭芳等等。開國大典嘅中國攝影師入面，只係得一位女性——侯波。佢拎住部普通相機同鏡頭，每筒菲林底片只有12張，當時菲林係稀有物品，身為攝影師嘅佢都只係得8筒，要慳住影。

開國大典當日，城樓窄，人超多，加上蘇聯記者係受邀請嚟拍攝，所以佢哋進駐咗最佳位置，而當時毛澤東等都係企响城樓前方，因此要影正面相嘅話，攝影師要將個身探出去，冒住跌落城樓嘅風險。當侯波想影張側身相，礙於空間限制，佢不斷將個身往後都攞唔到最佳角度。突然，旁邊有個人伸手掹住佢嘅衫角，「你放心大膽取景，我捉住你」。影完，侯波縮身回頭一望，個嗰人原來係周恩來。

原片嚟自網絡。