今日係TVB嘅台慶，一於講講佢嘅歷史啦。喺51年前，無綫係首間用無綫廣播方式嘅電視台，亦因為咁所以叫做「無綫」。其實早於1961年，香港政府就考慮引入無綫電視廣播，跟住就開始做研究同草擬監管法例嘅工作，喺1964年11月完成立法程序，決定批出一個為期15年嘅無綫電視廣播商業牌照，並招標挑選承辦商。喺1966年，政府宣布由英資和記、太古，同華資希慎、邵氏組成嘅電視廣播有限公司（TVB）取得經營權，最後籌備咗一年幾，喺1967年正式啟播。

喺1967年11月19日開台嗰日，中英文台朝早9點就開始現場直播澳門格蘭披治大賽車，直至4點鐘，港督戴麟趾坐直升機，飛去位於廣播道嘅 TVB 新廈主持啟播儀式。而TVB首個電視劇《太平山下》，亦都喺開台嗰晚播出。

圖片嚟自網絡