醫院係社區內嘅重要嘅設施，唔講唔知，原來長洲曾經有間民間籌辦嘅方便醫院，而且早於同治年間已經出現，絕對係歷史嘅「見證者」之一。

長洲方便醫院嘅前身係為無家可歸人士而設立嘅棲流所，由東莞商人蔡良於1872年，即同治年間興建。當時長洲人口唔多，係貿易港口之一，不過成日被颱風吹襲，令唔少來來往往嘅商人同船員葬身大海，部份遺體更加被沖上岸，所以棲流所除咗贈醫施藥，亦都會建立義塚，令海上漂流而至、無人認領嘅白骨有棲身之處。

去到1915年，長洲街坊會擴建棲流所，改名做長洲方便醫院，係島上最早嘅醫院。後嚟長洲醫院於1934年落成，令長洲嘅醫療服務日漸改善，方便醫院就營運直到1988年停用，後嚟被列為三集歷史建築。

圖片嚟自網絡。