响未有WhatsApp、WeChat、Line等軟件嘅年代，通訊邊有依家咁方便，仲記得舊時有親友喺外國讀書，要隔好耐先打個長途電話俾佢，講多幾句又驚長途電話費貴。嗰時唔少電訊商成日推出優惠，爭成日打長途電話嘅客仔。阿史諗起以前有個好經典嘅長途電話廣告：「CTI～殺價！」細個有睇幪面超人嘅阿史一喺電視聽到個廣告，就醒神晒。不過今時唔同往日，手機駁wifi，輕鬆打電話俾喺外國嘅親友，拉近人與人之間嘅距離。