早兩日朝早一返工，阿史就被老細請食貓面，認真當黑。阿史之後同個小鮮肉同事講返呢件事，點知個同事一啲都唔關心阿史，反而問阿史：「咩係食貓面？」好似錯重點喇喂。

 講開食貓面，其實係「識貌面」嘅諧音，「貌面」指人嘅嘴臉，成個詞本嚟解做一個人嬲嘅時候，翻面唔認人，對人黑口黑面，有「俾個貌面你識」、等對方難堪咁解。而「俾個貌面你識」後嚟被訛為「俾個貓面你食」，於是就簡稱食貓面喇。

原圖嚟自網絡。