1953年嘅聖誕節，一場無情火令幾萬戶居民痛失家園，流離失所。當年嘅12月25號夜晚，石硤尾寮屋區嘅白田村有居民點火水燈，點知燒著咗棉胎，火勢於猛風之下迅速蔓延，幾百戶受波及，大火最終去到第二日凌晨先被救熄。火災造成超過五十人傷亡，超過2500間木屋被焚毀。政府之後於原址興建29棟七層高嘅H型徙置大廈，等災民有瓦遮頭，依條亦即係後嚟嘅石硤尾邨。

註：相片由香港政府檔案處提供，如需使用是項相片，須以書面向香港政府檔案處提出申請