日本當年佔領香港嘅三年零八個月期間，士兵犯下種種暴行，當中最惡名昭著嘅，當屬憲兵隊。被列為香港頭號戰犯、有「殺人王」之稱嘅野間賢之助正正就係日本憲兵隊長，佢戰後從東京被引渡返香港受審，被判處死刑。

歷史專家於書籍中記載，憲兵隊當時嘅手段非常殘酷，除咗虐打、灌水同燒灼之外，仲會施行電刑，甚至放狗咬啲手無寸鐵嘅婦孺。1943年1月，有一班婦女响摩星嶺道同薄扶林道交界割草，被巡邏嘅憲兵隊捉咗，困住之後再放出兩隻狼狗亂咬，班婦女被咬甩大片血肉。另外亦有人目睹憲兵隊殺死一個執柴嘅婦女後棄屍路邊，第二日放狼狗咬遺體，殘忍行為令人發指。

圖片嚟自網絡。