早兩日boss宣佈今年農曆新年前會有個大party，有好多豐富獎品等住大家嚟抽，呼籲大家千其咪走雞，一定要出席咁話喔。

 至於有咩豐富獎品，阿史問過秘書妹妹，居然連佢都收唔到風，仲反問阿史，其實「走雞」點解要係「雞」，唔可以係鴨呀、鵝呀之類嘅？秘書妹妹有所不知，其實「走雞」入面嘅「雞」，就並唔係我哋平時食果啲雞，而係一種賭博用嘅骰仔，賭台上有一種玩法就係將骰仔擲入個碗裡面，睇點數開幾多嚟鬥大細、定輸贏。如果太大力擲，就會令粒骰仔跌出個碗，咁嘅話無論粒骰碌到幾多都唔算數嘅，需要重新再擲，呢種情況就叫做「走雞」喇。久而久之，「走雞」就有錯過嘅意思。