1971年，香港船商、前特首董建華父親董浩雲用咗320萬美元買入當時世界上最大、最豪華嘅郵輪——伊利莎白皇后號，之後再用千幾萬港元將隻郵輪改裝成「流動大學」，原本諗住喺1972年1月15日試航，點知喺大約一個禮拜之前嘅1月9日上晝，做最後改裝嘅時候突然發生大火。當時喺郵輪上主持會議嘅董建華，只能夠無奈棄船逃生。

當時消防處出動咗130名消防員救火，但火勢一發不可收拾，最終燒咗24小時之後，伊利莎白皇后號開始沉沒。後嚟經過調查，發現隻船係被縱火，不過兇手係邊個就查極都查唔到。董浩雲喺佢本日記中提到場火，「建華在電話中泣告經過」，而董浩雲自己就「欲哭無淚」、「悲憤莫名」。

原圖嚟自網絡。