上次講唔同職級嘅警察有唔同嘅花名，話說交通警原來都有個幾得意嘅花名，叫做「白鮓」，白鮓亦即係而家成日講嘅水母。

至於點解交通警會被叫做白鮓，據講係同佢哋嘅外形有關嘅，以前嘅交通警有對白色衫袖、戴白色頭盔、揸架白色電單車，睇落就好似有隻白色水母喺馬路上面咁，所以外界就講笑咁叫佢哋做白鮓喇。除此之外，亦有人話係因為啲司機被交通警抄牌嗰陣，好似被水母觸鬚掂到咁「炸」親，形容得好到肉。

原圖取自網絡。