阿史之前睇過坊間嘅通識教材，發現《現代中國》嘅重點都係講改革開放嘅成就，點勁點勁，單睇仲以為改革開放一開始就成功落實暢通無阻。其實，响改革開放初期，中國政府响點樣進行經濟改革遇到好多問題，就算到咗今年有啲問題都未完全解決。

今次先講講改革開放嘅頭炮 - 蛇口工業區。响1979年，北京個邊批准建設蛇口工業區。咁點解會揀蛇口呢？因為當時個計劃係想搵個鄰近香港嘅出地方，籌建一個出口工業區，利用當地廉價土地同勞動力，吸引香港以及海外資金投資，而提出呢個計劃嘅就係香港招商局嘅袁庚。

雖然呢個計劃成功開咗個頭，仲鼓勵咗當局將深圳發展成經濟特區。之不過，當時嘅開發工作其實係困難重重。對外，一個响意識形態同西方對立嘅國家，要吸引外資根本就好難。對內，當時國家對市場無一套成熟嘅規管制度，最大鑊嘅係行政上極度官僚，平均主義大鑊飯令官員工作態度消極，呢啲都成為當時發展嘅阻礙。