早兩日食飯果陣，有同事問起，其實「屙個」即係點解？有啲同事就話係姿整咁解，另外有同事就話應該係解長氣，真係聽到頭都暈。

喺解釋「屙個」點解之前，阿史覺得有必要話俾大家知佢係點寫，其實正寫係「娿哿」。「娿哿」呢兩個字太生僻，真係識寫出嚟人哋都睇唔明，不過原來喺好耐以前，「娿哿」已經有同宜家詞義類近嘅意思。「娿」本嚟就有猶豫不決嘅意思，而「哿」曾經係「珈」嘅假借字，解做婦人嘅首飾，所以「娿哿」好有可能係用嚟描述以前啲婦人唔知戴咩首飾好果種猶豫不決、姿姿整整嘅情況。

原圖嚟自網絡。