漫畫《中華英雄》可以話係香港著名漫畫家馬榮成嘅代表作，《中華英雄》最高峰時期曾經一期賣超過20萬冊，亦被改編成電視、電影、廣播劇、舞台劇等等。而另一套著名漫畫《風雲》亦都係出自馬榮成之手，都有被改編做電影，馬榮成講過，《中華英雄》係佢年輕時候嘅投影，而《風雲》就係佢成熟嘅時候心境嘅寫照。

《中華英雄》電影被係喺1999年上映，至今已經差唔多20年，當時由鄭伊健飾演主角華英雄、楊恭如飾演佢老婆潔瑜、謝霆鋒飾演囝囝華劍雄、林曉峰飾演生奴等，卡士絕對唔弱。主角嚟講，鄭伊健飾演嘅華英雄展現「天煞孤星」嘅孤獨感，成為佢其中一套代表作，不過阿史最深刻都係戴住面具嘅鬼僕，一條辮已經好勁揪。

圖片為電影劇照，取自網絡。