油炸鬼又脆又香口，好多人都鍾意食，不過，新鮮炸出嚟嘅油炸鬼就唔係咁易食得到，好多時我哋食到嘅都係「隔夜油炸鬼」。而呢句「隔夜油炸鬼」亦都係一句歇後語，大家知唔知下一句係咩呢？

隔咗一晚嘅油炸鬼，梗係無啱啱炸起嘅新鮮油炸鬼咁脆卜卜、咁熱氣喇，自然就「無晒火氣」。因此，用嚟形容人年紀大咗，早就無咗後生嗰團火，亦會被人叫做「隔夜油炸鬼」。亦都有人將「隔夜油炸鬼」用嚟形容一啲做嘢無嚟醒目、開始hea做或者無晒脾氣嘅人。

原圖嚟自網絡。