阿史嘅知心好友有句口頭禪，每次跟boss出trip之前佢都一定會講「今次唔死都一身潺」，然後果然，呢位朋友返嚟之後成個人都殘曬。

好多人都知「唔死一身潺」意思即係就算大難不死，但之後有一堆手尾跟，分分鐘仲難頂過去死。呢句「唔死一身潺」其實係歇後語，佢嘅前一句係「白鱔上沙灘」。白鱔係一種鰻魚，佢本身有細鱗，生勾勾果陣已經好滑、好跣手。而白鱔死咗之後，魚身更加會分泌出一種滑潺潺嘅液體，所以當白鱔一上沙灘，離開咗水，就算好彩唔死得，成條魚都會變得滑潺潺。

原圖嚟自網絡。