阿史前排約咗朋友喺長沙灣嗰邊食飯，點知早咗到，睇地圖發現附近就係李鄭屋漢墓博物館，一場嚟到就梗係參觀吓啦。講返李鄭屋漢墓嘅歷史先，話說個墓係响1955年發現嘅，當年政府為咗滿足市民對公共房屋嘅需求，決定喺長沙灣興建徙置大廈。但估唔到，一班工人响8月9日進行平坡工程嘅時候，無意中發現咗呢個古墓，消息引嚟中外報章報道。

李鄭屋漢墓一共出土咗58件陪莽品，包括陶製器皿同青銅器物。根據墓室形制同埋陪葬品，推斷屬於東漢時期建造。由於漢墓位於李鄭屋村，所以就被稱之為「李鄭屋漢墓」。經過維護工作之後，李鄭屋漢墓就响1957年向公眾開放參觀。

其實 一入到去嗰墓，就會見到少量文物，同埋介紹李鄭屋漢墓嘅展板，阿史望咗陣就出咗去睇個墓。李鄭屋漢墓响室外，外形好似一個小山丘咁，同博物館之間有條通道相連，行出去之後就可以隔住塊玻璃望下漢墓入面嘅情況，但入面空空如也。

原圖取自網絡。